పుస్తకాల పేరుతో అధిక ఫీజులు వసూలు చేస్తున్న ప్రైవేట్ కార్పోరేట్ స్కూల్స్, కాలేజ్ యాజమాన్యాలపై చర్యలు తీసుకోవాలి : భారత విద్యార్థి ఫెడరేషన్ (ఎస్ఎఫ్ఐ )డిమాండ్

రిపోర్టర్: జైదేవ్
అంబెడ్కర్ కోనసీమ జిల్లా
అమలాపురం నియోజకవర్గం

జిల్లాలో ముఖ్యంగా అమలాపురం పట్టణంలో పాఠ్యపుస్తకాలు పేరుతో అధిక ఫీజులు వసూలు చేస్తున్న కార్పొరేట్ స్కూల్స్ కాలేజీలపైన ప్రైవేట్ స్కూల్స్ పైన తక్షణం చర్యలు తీసుకోవాలని భారత విద్యార్థి ఫెడరేషన్ (ఎస్ఎఫ్ఐ)డాక్టర్ బి.ఆర్ అంబేద్కర్ కోనసీమజిల్లా కమిటీ ప్రభుత్వాన్ని డిమాండ్ చేసింది

ఈ సందర్భంగా స్థానిక గొల్లగూడెం లోని ప్రజాసంఘాల కార్యాలయంలో సమావేశంలో జిల్లా కన్వీనర్ కే శంకర్ కె ప్రణీత్ సాయి మాట్లాడుతూ స్కూల్స్ కాలేజీలు తరచి ఒక నెల. రోజులు అవుతుండగానే పుస్తకాలకు ఫీజులు చెల్లించాలని విద్యార్థులను ఒత్తిడికి గురి చేస్తున్నారని వారు అన్నారు
అధిక ఫీజులు భారం భరించలేక కొందరు విద్యార్ధులు మానశిక వత్తిడికు గురై చదువులలో వెనుకబడుతున్నారని కొన్ని కాన్వెంట్లు కాలేజీలు ఫీజులు కట్టలేదని పేరుతో గంటలు తరబడి క్లాస్ రూమ్ కి బయట నిలబెట్టి మాటసతో మానశికంగా వేదించి ఇబ్బందులకు గురి చేస్తున్నారని దీంతో విద్యార్థులు మానసికంగా వేదనకు గురవుతున్నారని వారు ఆరోపించారు

గత ప్రభుత్వం విద్యార్థులకు పథకాల పేర్లతో చెల్లించవలసిన నిధులు చెల్లించలేదని ఆ బకాయిలు కూడా చెల్లించాలని కొన్ని కాలేజీ యాజమాన్యాలు విద్యార్థులపై ఒత్తిడి తీసుకురావడం జరుగుతుందని ఇది అన్యాయమని తక్షణం ఇటువంటి అధిక ఫీజులు వసూలు చేస్తున్న కాలేజీ స్కూల్స్ కార్పొరేట్ కాలేజీల పైన చర్యలు తీసుకోవాలని వారి డిమాండ్ చేశారు

తక్షణమే ప్రభుత్వ ఉన్నతాధికారులు వీటిపై చర్యలు తీసుకోవాలని లేనిపక్షంలో ప్రత్యక్ష ఆందోళన దిగుతామని ఈ సందర్భంగా వారు హెచ్చరించారు ఈ సమావేశంలో ఎస్ఎఫ్ఐ జిల్లా కన్వీనర్ కే ప్రణీత్ సాయి నాయకులు పొలమూరిశ్రీనివాసరావు తదితరులు పాల్గొన్నారు