జులై 14న తెరుచుకోనున్న పూరీ రత్న భాండాగారం…అధికారులకు సర్పభయం ! 

పురాతన ఆలయాల్లోని ఖజానాలకు సర్పాలు కాపలా కాస్తున్నాయా ? ఇటువంటివి అనేక సినిమాల్లో చూశాం. కానీ, తాజాగా పూరీ జగన్నాథ ఆలయ అధికారుల మదిలోనూ ఇదే అంశం మెదులుతోంది. ముఖ్యంగా ఈ రహస్య గదిని తెరిచేందుకు సన్నద్ధమవుతోన్న అధికారులకు సర్పభయం వెంటాడుతోందట. ‘‘రత్న భాండాగారం” తెరిచే సమయంలో అనుసరించాల్సిన మార్గదర్శకాలను ఇప్పటికే రూపొందించి అనుమతి కోసం ప్రభుత్వానికి పంపించామని గది తెరిచే వేళ పాములు పట్టేవారు, ఓ వైద్య బృందాన్ని అందుబాటులో ఉంచాలని కోరామని శ్రీ పూరీ జగన్నాథ్‌ టెంపుల్‌ అడ్మినిస్ట్రేషన్‌ అధికారి తెలిపారు.