ప్రభుత్వాసుపత్రి ప్రధాన దారి తెరవాలి

ఏపీ టుడే న్యూస్ బ్యూరో కర్నూలు సిటి

నగరంలోని ప్రభుత్వ సర్వజన వైద్యశాల ప్రధాన దారిని తెరవాలని నగరపాలక కార్యాలయ మేనేజర్ ఎన్.చిన్నరాముడుని వ్యాపారస్తుల సంక్షేమ సంఘం నాయకులు కోరారు. గురువారం నగరపాలక కార్యాలయంలో మేనేజర్‌ను కలిసిన సంఘం నాయకులు వినతిపత్రం అందజేశారు. ప్రభుత్వ ఆసుపత్రి ఎదురుగా టిజివి కాంప్లెక్స్‌లో వ్యాపారాలు చేసుకుంటూ తాము జీవనోపాధి పొందుతున్నామని, అయితే ఆసుపత్రి బయట అనధికారంగా కొందరు దళారులు బండ్లను అద్దెకు ఇచ్చుకుంటున్నారని ఫిర్యాదు చేశారు. దీనిని దృష్టిలో ఉంచుకుని ప్రభుత్వాసుపత్రి ప్రధాన దారిని తెరిచి, అనధికార వ్యాపారులపై చర్యలు తీసుకోవాలని వారు కోరారు. కార్యక్రమంలో బి.రాజేశ్వరావు, నరసింహ, రాఘవేంద్ర, సుదర్శన్ తదితరులు పాల్గొన్నారు.