అవినీతిని నిర్ములనకు ప్రభుత్వాలు ఎన్నో చట్టాలు చేసిన సబ్ రిజిస్ట్రేషన్ కార్యాలయాల్లో మార్పు శూన్యం

ఏపీ టుడే న్యూస్ బ్యూరో , కర్నూల్ సిటీ

ప్రతి డాక్యుమెంటుకు సి.ఎస్.చేయడానికి రూ.200 డిమాండ్

ప్రభుత్వ కార్యాలయాల్లో అవినీతిని నిర్ములించడానికి ప్రభుత్వాలు ఎన్నో చట్ట సవరణలు చేస్తున్న అవినీతిని నిరోదించలేక పోతున్నాయి.కొన్ని కార్యాలయాల్లో అవినీతి తగ్గినట్లు కనిపించిన,సబ్ రిజిస్ట్రేషన్ కార్యాలయాలలో మాత్రం మార్పులు రావడం లేదు.ప్రతి పనికి లంచం లేనిదే పనులు చేయడంలేదు.ఈ నేపథ్యంలోనే
కర్నూలు సబ్ రిజిస్ట్రేషన్ కార్యాలయంలో మాత్రం అవినీతికి అడ్డుకట్ట లేకపోతోంది అని లబ్ధిదారులు బహిరంగంగ ఆరోపిస్తున్న పరిస్థితి నెలకొంది.రిజిస్ట్రేషన్ కార్యాలయంలో
రాఘవేంద్ర అనే సీనియర్ అసిస్టెంట్ ప్రతి డాక్యుమెంటుకు సి.ఎస్.నంబర్ చేయడానికి రూ.200 డిమాండ్ చేస్తున్నాడని…ఇవ్వని పక్షంలో ప్రజలకు,దస్తావేజు లేఖర్లకు చుక్కలు చూపిస్తున్నాడని ఆవేదన చెందుతున్నారు.అదేవిదంగా కల్లూరు సబ్ రిజిస్ట్రేషన్ కార్యాలయంలో ఈ.సిలను సిటిజన్ ప్రకారం ఇవ్వకుండా డిలే ప్రాసెస్ క్రింద చేస్తూ,అత్యవసరం ఉన్నా వారికి అదనంగా డబ్బులు వసూలు చేస్తున్నట్లు చెపుతున్నారు.ఈ నెల 23వ తేదీ నుండి పెండింగ్ లోనే ఉన్నాయి.ఈ కార్యాలయంలో అనిత సీనియర్ అసిస్టెంట్ ఒక చిన్న కౌంటర్ ఏర్పాటు చేసుకొని వసూలు చేస్తున్నందున లబ్ధిదారుల ఇబ్బందులు వర్ణనాతీతం అని వాపోతున్నారు.ఈ అధికారిపై గతంలో పలు ఆరోపణలు ఉన్నను చలించని దుస్థితి ఉందని ఆరోపిస్తున్నారు.గతంలో జిల్లా అధికారి ఈ అధికారికి మెమో ఇచ్చిన ఫలితం లేదని పేర్కొంటున్నారు.కావున రిజిస్ట్రేషన్ కార్యాలయాలపై అవినీతి నిరోధక శాఖ అధికారులు ప్రత్యేక నిఘా పెంచాల్సిన అవసరం ఎంతైనా ఉందని,ఈ కార్యాలయాల్లో జరుగుతున్న అవినీతిని నిరోధించాలని లబ్ధిదారులు కోరుతున్నారు.