పేదల సంక్షేమం, రాష్ట్ర అభివృద్ధికి కూటమి ప్రభుత్వం కట్టుబడి ఉంది …అర్హులైన ప్రతి ఒక్కరికి సంక్షేమ పథకాలను అందిస్తాం..ఎం.పి బస్తిపాటి నాగరాజు

ఏపీ టుడే న్యూస్ బ్యూరో కర్నూల్ సిటి

పేదల సంక్షేమం, రాష్ట్ర అభివృద్ధికి కూటమి ప్రభుత్వం కట్టుబడి ఉందని ఎం.పి బస్తిపాటి నాగరాజు అన్నారు.. కర్నూలు మండలంలోని పంచలింగాల గ్రామంలో ఎన్టీఆర్ భరోసా పెన్షన్ల పంపిణీ కార్యక్రమంలో పాల్గొన్న ఎం.పి, లబ్ధిదారులకు ఇంటి వద్దనే పెన్షన్ డబ్బులను అందజేశారు..ఈ సందర్భంగా ఆయన మాట్లాడుతూ గత వైసీపీ ప్రభుత్వం ఐదేళ్ల పాటు రాష్ట్రాన్ని అదోగతి పాలు చేసిందని ఆరోపించారు.. అర్హత కలిగిన ప్రతి ఒక్కరికి సంక్షేమ పథకాలు అందిస్తామన్నారు.. ఇక రేపు సెలవు దినం కావడంతో పింఛన్ దారులకు ఇబ్బందులు కలగకుండా ప్రభుత్వం ఒక రోజు ముందే పెన్షన్లను పంపిణీ చేసిందన్న ఎం.పి నాగరాజు ఎన్నికల ముందు ఇచ్చిన సూపర్ సిక్స్ లోని హామీలను దశల వారీగా అమలు చేస్తామని తెలిపారు.. ఈ కార్యక్రమంలో గ్రామ సర్పంచ్ మాధవి, ఉప సర్పంచ్ విష్ణువర్ధన్ రెడ్డి, టిడిపి నాయకులు కృష్ణ యాదవ్, సచివాలయం ఉద్యోగులు పాల్గొన్నారు..