సెయింట్   ప్యాట్రిక్స్ అకాడమీలో ఘనంగా జరిగిన గురుపూజోత్సవం

రిపోర్టర్: జైదేవ్

కొత్తపేట నియోజకవర్గం

డాక్టర్ బి.ఆర్ అంబేద్కర్ కోనసీమ జిల్లా

రావులపాలెం మండలం

రావులపాలెం సెయింట్  ప్యాట్రిక్స్ అకాడమీలో ఉపాధ్యాయ దినోత్సవ వేడుకలు అకాడమీ ప్రిన్సిపాల్ రెవరెండ్ బ్రదర్ మను మాథ్యూ అధ్యక్షతన ఎంతో ఘనంగా జరిగాయి. అకాడమీ ప్రిన్సిపాల్ రెవరెండ్ బ్రదర్ మను మాథ్యూ మాట్లాడుతూ విద్యార్థులను ఉన్నత వ్యక్తులుగా తీర్చిదిద్దగల వ్యక్తి ఒక్క ఉపాధ్యాయుడు మాత్రమేనని అన్నారు. ప్రతి ఉపాధ్యాయుడు కూడా డాక్టర్ సర్వేపల్లి రాధాకృష్ణన్ ని ఆదర్శంగా  తీసుకుని విద్యార్థులను ఉత్తమ పౌరులుగా తీర్చిదిద్దాలని కోరారు. అకాడమీ కమ్యూనిటీ లీడర్ రెవరెండ్ బ్రదర్ ఫెలెక్స్అరుణ్ మాట్లాడుతూ ఉపాధ్యాయుడు సమాజంలో ఎటువంటి ఉన్నత  వ్యక్తినైనా తయారు చేయగలడు కానీ ఎంత ఉన్నత వ్యక్తి అయినా ఒక ఉపాధ్యాయుడిని తయారు చేయలేడు కాబట్టి  ఉపాధ్యాయులైన మీరు విద్యార్థులను ఉత్తమ పౌరులుగా తీర్చిదిద్దాలని కోరారు.  విద్యార్థులు ఉపాధ్యాయులను పూలమాలలతో ఎంతో ఘనంగా సత్కరించారు. ఈ కార్యక్రమంలో అకాడమీ కోఆర్డినేటర్లు, ఉపాధ్యాయినీ ఉపాధ్యాయులు మరియు విద్యార్థినీ విద్యార్థులు పాల్గొన్నారు. అనంతరం ఉపాధ్యాయులకు ఆటల పోటీలు నిర్వహించారు.