నల్లమల ఘాట్లో ఆయిల్ ట్యాంకర్ బోల్తా.. కిలోమీటర్ల మేరకు స్తంభించిన రాకపోకలు..

ఏపీ టుడే న్యూస్, నంద్యాల జిల్లా/మహానంది (డిసెంబర్ 17)

ప్రకాశం జిల్లా దిగువమెట్ట సమీపంలోని నల్లమల్ల అడవి ప్రాంతంలో ప్రమాదవశాత్తు అదుపుతప్పి ఆయిల్ ట్యాంకర్ బోల్తా పడింది. సోమవారం రాత్రి గిద్దలూరు నుంచి నంద్యాలకు వస్తున్న ఆయిల్ ట్యాంకర్ అదుపుతప్పి బోల్తా పడడంతో, కొన్ని కిలోమీటర్ల వరకు, సుమారు 6 గంటల పాటు రాకపోకలు స్తంభించాయి. వాహనదారులు తీవ్ర ఇబ్బందులు ఎదుర్కొన్నారు. మహానంది మండలం గాజులపల్లె మెట్ట నంద్యాల- గిద్దలూరు జాతీయ రహదారి యందు భారీగా వాహనాలు నిలిచిపోయాయి. గిద్దలూరు పోలీసులు ఘటన స్థలానికి చేరుకొని వాహనాల రాకపోకలను పునరుద్దించారు. దీంతో మంగళవారం 12:30 నుంచి గిద్దలూరు- నంద్యాల నుంచి వాహనదారులు రాకపోకలు సాగించారు.