అక్రమ మద్యం తరలింపు కేసులో కాటంశెట్టి అరెస్టు -14 రోజులు రిమాండ్

ఏపీటుడే న్యూస్ ఐ. పోలవరం మండలం (జనవరి 23):
అక్రమ మద్యం రవాణా కేసులో యానాంకు చెందిన వ్యాపారి, వైఎస్ఆర్సిపి నాయకుడు కాటంశెట్టి రామ్మూర్తి గురువారం అరెస్ట్ అయ్యారు. గడచిన ఎన్నికల్లో అక్రమ మద్యం రవాణా పై రామ్మూర్తి పై ఐ.పోలవరం పోలీసులు కేసు నమోదు చేశారు. ఈ నేపథ్యంలో రామ్మూర్తిని పోలీసులు అరెస్టు చేసి ముమ్మడివరం కోర్టులో హాజరు పరిచారు. న్యాయమూర్తి 14 రోజులు రిమాండ్ విధించారు. ముమ్మిడివరం మాజీ ఎమ్మెల్యే పొన్నాడ వెంకట సతీష్ కుమార్ ప్రధాన అనుచరుడైన రామ్మూర్తి ఇటీవల పొన్నాడ సతీష్ కుమార్ తో కలసి పుదుచ్చేరి రాష్ట్రంలో కాంగ్రెస్ పార్టీ అగ్రనేతలను కలిశారు. నేతలు కలిసిన మూడు రోజుల్లోనే రామూర్తిని అరెస్టు చేయడంపై తీవ్ర చర్చ జరుగుతుంది. రాజకీయ ఒత్తిల్లతోనే ఈ అరెస్టు జరిగినట్లు పలువురు చర్చించుకుంటున్నారు. ఇలా ఉండగా రామ్మూర్తిని మీడియా కంట పడకుండా స్టేషన్ నుండి ముమ్మిడివరం కోర్టుకు పోలీసులు తరలించడం విశేషం.