“అక్రమ భూములపై ఆరోపణలు నిరాధారమైనవే” – వైఎస్సార్ కాంగ్రెస్ నేతలు స్పష్టం

 “అక్రమ భూములపై ఆరోపణలు నిరాధారమైనవే” – వైఎస్సార్ కాంగ్రెస్ నేతలు స్పష్టం

వైఎస్సార్ కాంగ్రెస్ పార్టీ కార్యాలయంలో ఎమ్మెల్సీ డీసీ గోవిందరెడ్డి గారు మరియు ఆయన తమ్ముడు, కాశినాయన మండల జడ్పిటిసి సభ్యుడు సత్యనారాయణ రెడ్డి గారు విలేకరుల సమావేశం నిర్వహించారు. ఈ సందర్భంగా తమపై వస్తున్న భూమి ఆక్రమణ ఆరోపణలను వారు ఖండించారు.

చర్యలకు సిద్ధంగా ఉన్నాం”

“నా తమ్ముడు నాయనపల్లె పంచాయతీలో ప్రభుత్వ భూమిని అక్రమంగా కబ్జా చేశారని ఎవరికైనా నమ్మకమైతే, నిరూపిస్తే ఆ భూమిని వారికి వదిలేస్తాం,” అని గోవిందరెడ్డి గారు స్పష్టం చేశారు. అధికారులు విచారణ చేయాలన్న డిమాండ్ చేస్తూ, “జిల్లా కలెక్టర్, ఆర్డీవో  ఎంక్వయిరీ జరిపి అవసరమైతే చట్టపరమైన చర్యలు తీసుకోవచ్చు” అని తెలిపారు.

“రాజకీయ ప్రస్థానం, నిస్వార్థ సేవే మా బలం”

తన రాజకీయ జీవితాన్ని గుర్తుచేసుకున్న గోవిందరెడ్డి గారు, “మేము 20 సంవత్సరాలుగా ప్రజాసేవలో ఉన్నాం. రాజశేఖర్ రెడ్డి గారి ముఖ్యమంత్రిగా ఉన్నప్పుడు, నా ఆధ్వర్యంలో 20 వేల ఎకరాల భూమి పంపిణీ జరిగింది. అందులో ఒక్క ఎకరా కూడా నా బంధువులకు గానీ, తమ్ముడికి గానీ ఇవ్వలేదు” అని తెలిపారు.

“మీడియా కథనాలు అసత్యం”

కొంతమంది మీడియా ప్రతినిధులు తప్పుడు కథనాలు ప్రచురించడం బాధాకరమని గోవిందరెడ్డి గారు అభిప్రాయపడ్డారు. “ఆంధ్రప్రభ విలేకరి మా తమ్ముడిని కలిసి ‘15 ఎకరాలు భూమి కావాలి’ అని అడిగారు. మా తమ్ముడు ఆ అభ్యర్థనను తిరస్కరించడంతో, కక్షపూరితంగా కథనాలు రాస్తున్నారు,” అని ఆరోపించారు.

మా తమ్ముడు 300 ఎకరాలు ఆక్రమించాడని కొన్ని కథనాల్లో వచ్చిన ఆరోపణలు పూర్తిగా నిరాధారమైనవి. ఎంక్వయిరీకి మేము సిద్ధంగా ఉన్నాం. నిజాయితీగానే ముందుకు సాగుతాం,” అని గోవిందరెడ్డి గారు స్పష్టం చేశారు.

“నాకు ఒక డికెట్టు భూమి కూడా లేదు”*

“నాకు ఆక్రమించాలనే మతి ఉంటే, మా అన్నయ్య ఎమ్మెల్యేగా ఉన్న టైమ్‌లోనే చేసేవాడిని. కానీ నేడు నాకు ఒక డికెట్టు భూమి కూడా లేదు,” అని సత్యనారాయణ రెడ్డి తేల్చిచెప్పారు.