తిరుమల శ్రీవారి సన్నిధిలో ఎంపీ, ఉండి కూటమి ఎమ్మెల్యే అభ్యర్థి రఘురామ కృష్ణంరాజు

తిరుపతి జిల్లా
తిరుమల

నరసాపురం ఎంపీ, ఉండి కూటమి ఎమ్మెల్యే అభ్యర్థి కనుమూరి రఘురామ కృష్ణంరాజు తిరుమల తిరుపతి శ్రీవారిని దర్శించుకున్నారు. తిరుమలకు చేరుకున్న అయన శ్రీవారి అభిషేక సేవలో పాల్గొని స్వామివారిని దర్శించుకున్నారు. దర్శనానంతరం అయన మాట్లాడుతూ ఏపీ ఎన్నికల ఫలితాల్లో కూటమి విజయంపై ఖాయమని ధీమా వ్యక్తం చేశారు. 125 నుంచి 150 సీట్లలో కూటమి గెలుస్తుందని, వైసీపీ మాత్రం 25 నుంచి 40 సీట్లకు పరిమితమవుతుందని అన్నారు. స్వామి సన్నిధిలో అబద్దాలు మాట్లాడనని, జగన్ మాట నిజమవుతుందో లేక తన మాట నిజమవుతుందో జూన్ 4వ తేదీన తెలుస్తుందని పేర్కొన్నారు. రాష్ట్రానికి మంచి రోజులు రావాలని, సీఎంగా చంద్రబాబు ప్రమాణ స్వీకారం చేయాలని స్వామి వారిని ప్రార్ధించినట్లు రఘురామ కృష్ణంరాజు వెల్లడించారు.