క్షయవ్యాధిపై అవగాహన అవసరం

ఏపీ టుడే న్యూస్ పుదుచ్చేరి యానాం( మార్చి 24) క్షయవ్యాధిపై సామాజిక అవగాహన కలిగి ఉండాల్సిన ఆవశ్యకత ఉందని జిప్మెర్ ఆసుపత్రి ప్రధాన వైద్యాధికారి ఆనంద్రాజ్ పేర్కోన్నారు. సోమవారం ప్రపంచ క్షయవ్యాధి నివారణ దినోత్సవాన్ని పురస్కరించుకుని జిప్మెర్ లో ఏర్పాటుచేసిన అవగాహన కార్యక్రమంలో మాట్లాడారు.

క్షయవ్యాధిపై సరైన అవగాహన లేకపోవడం వల్ల చాలామంది ఇబ్బందులు పడుతున్నారన్నారు. వ్యాధి ప్రాథమికదశలోనే చికిత్స పొంది రెగ్యులర్ గా మందులు తీసుకుని సరైన పౌష్టికాహారాన్ని తీసుకోవడం ద్వారా వ్యాధిని నివారించవచ్చునన్నారు. ఈ సందర్భంగా సిబ్బంది క్షయవ్యాధిపై నిర్వహించిన ప్రదర్శన అందరిని ఆలోచింపజేసింది. అనంతరం క్షయవ్యాధి నివారణపై పురవీధుల్లో భారీ ర్యాలీ నిర్వహించారు. అదేవిధంగా స్థానిక యానాం జిజిహెచ్లో డిప్యూటీ డైరెక్టర్ రవిశంకర్ ఆధ్వర్యంలో వివిధ కార్యక్రమాలను నిర్వహించారు