ఎమ్మెల్సీ హరిప్రసాద్ ను కలిసిన బండారు శ్రీనివాస్

(ఆలమూరు)
ఎమ్మెల్సీ పి హరి ప్రసాద్ ను మంగళ గిరి లోని జనసేన పార్టీ కార్యాలయంలో కొత్తపేట నియోజకవర్గ జనసేన పార్టీ ఇంచార్జ్ బండారు శ్రీనివాస్ మర్యాదపూర్వకంగా కలిశారు. జనసేన పార్టీ తరఫున ఇటీవల ఎమ్మెల్సీగా ఎన్నికైన హరిప్రసాద్ ను ముందుగా అభినందించారు. ఈ సందర్భంగా కొత్తపేట నియోజకవర్గంలో జనసేన పార్టీ క్రియోశీలక సభ్యత్వాలు నమోదుపై ఇరువురు చర్చించారు. క్రియాశీలక సభ్యత్వాలు నమోదు అధిక శాతం దిగువ స్థాయి వర్గాలకు వారి పేర్లు నమోదు చేసే విధంగా చర్యలు తీసుకోవాలని హరిప్రసాద్ బండారు శ్రీనివాస్కు సూచించారు. సభ్యత్వ నమోదు కార్యక్రమం నిర్ణీత సమయంలో పూర్తి చేయాలని ఆయన కోరారు. సభ్యత్వ నమోదు కార్యక్రమం కొత్తపేట నియోజకవర్గంలో జరుగుతున్న నేపథ్యంలో బండారు శ్రీనివాస్ ను ఎమ్మెల్సీ హరిప్రసాద్ అభినందించారు.