వరదలు తుఫాను వల్ల నష్టపోయిన రైతులకు అండగా ఉంటాం కోత్తపేట ఎమ్మెల్యే బండారు హామీ

రిపోర్టర్: జైదేవ్

డాక్టర్ బి.ఆర్ అంబేద్కర్ కోనసీమ జిల్లా

కొత్తపేట నియోజకవర్గం

ఆలమూరు మండలం

అన్నదాతలపై పకృతి వైపరీత్యాలు కన్నెర్ర చేస్తున్నాయని, ఇటీవల కాలంలో సంభవించిన వరుస తుఫాన్లు వరదల వల్ల రైతులకు కోలుకోలేని దెబ్బ తగిలిందని పంటను కోల్పోయిన రైతులు అందర్నీ ఆదుకుంటామని కొత్తపేట ఎమ్మెల్యే బండారు సత్యానందరావు హామీ ఇచ్చారు. కొత్తపేట నియోజకవర్గం ఆలమూరు మండలం బడుగువానిలంక చొప్పెల్ల, మూలస్థాన అగ్రహారం గ్రామాల లంక భూముల్లో గల పంటలను గోదావరికి సంభవించిన వరద ముంచెత్తడంతో దెబ్బతిన్న పంట పొలాలను స్థానిక నాయకులు, సంబంధిత శాఖ అధికారులతో కలిసి పరిశీలించారు. వరద ప్రభావంతో పంట నష్టపోయిన స్థానిక రైతుల నుండి వివరాలను అడిగి తెలుసుకున్నారు. పంట నష్ట వివరాలను సేకరించాలని, నష్టపోయిన ఏ రైతు కంటతడి పెట్టరాదని, అధికారులు క్షేత్రస్థాయిలోకి వెళ్లి పంట నష్ట నమోదును సేయాలని అధికారులను ఆదేశించారు. ముఖ్యంగా ఉద్యానవన పంటలైన బొప్పాయి, జామ, కూరగాయలు, పూ తోటలు, అరటి పంటలకు వరదల వలన భారీ నష్టం ఏర్పడిందని రైతులు ఎమ్మెల్యే సూచించారు. ఎమ్మెల్యే వెంట స్థానిక నాయకులు అధికారులు రైతులు పాల్గొన్నారు.