వైఎస్ఆర్ జిల్లా కలెక్టర్, ఎస్పీలతో సమీక్షించిన రాష్ట్ర ముఖ్యమంత్రి, ఉపముఖ్యమంత్రిలు

కడప, ఆగస్టు 6 : రాష్ట్ర రాజధాని అమరావతి సచివాలయం 5వ భవనంలో మంగళవారం ముఖ్యమంత్రి నారా చంద్రబాబు నాయుడు, ఉపముఖ్యమంత్రి కె.పవన్ కళ్యాణ్ లు నిర్వహించిన రెండవ రోజు జిల్లా కలెక్టర్ల కాన్ఫరెన్స్ కార్యక్రమంలో జిల్లా కలెక్టర్ శివశంకర్ లోతేటి, జిల్లా ఎస్పీ హర్షవర్ధన్ రాజులు హాజరయ్యారు. ఈ సందర్బంగా ముఖ్యమంత్రి, ఉపముఖ్యమంత్రిలు వేర్వేరుగా జిల్లాలోని పలు అంశాలపై వారితో సమీక్షించారు.

ఈ సమావేశంలో వారితో పాటు ఇతర మంత్రులు, ప్రభుత్వ ప్రధాన కార్యదర్శి నీరబ్ కుమార్ ప్రసాద్, రెవెన్యూ శాఖ ప్రత్యేక ప్రధాన కార్యదర్శి ఆర్పి సిసోడియా, సిసిఎల్ఏ జి.జయలక్మి, పలువురు ప్రత్యేక ప్రధాన కార్యదర్శులు, ముఖ్య కార్యదర్శులు, కార్యదర్శులు, శాఖాధిపతులు, జిల్లా కలెక్టర్లు తదితర అధికారులు పాల్గొన్నారు.