కారుణ్య నియామకపత్రం అందజేత

ఏపీ టుడే న్యూస్ బ్యూరో కర్నూల్ సిటీ

ఎస్ఎపి క్యాంపులోని సిఆర్ఆర్ఎంఎంసి హైస్కూల్ ప్రధానోపాధ్యాయులుగా పనిచేస్తూ, 2020వ సంవత్సరం మే 21వ తేదీన ఏ.మైఖేల్ మృతి చెందారు. వారి కుమార్తె‌ ఏ.సుధా గ్రేస్ నగరపాలకలో కారుణ్య నియామకం కింద జూనియర్ అసిస్టెంట్‌గా నియమితులయ్యారు. మంగళవారం నగరపాలక కార్యాలయంలో మేయర్ బి.వై. రామయ్య తన ఛాంబర్లో ఏ.సుధాకు నియామక పత్రాలను అందజేశారు. విధులను చిత్తశుద్ధితో నిర్వర్తించి, సంస్థకు మంచి పేరు తెచ్చిపెట్టాలని సుధాకు మేయర్ సూచించారు. కార్యక్రమంలో మేనేజర్ చిన్నరాముడు, ఆర్ఓ ఇశ్రాయేల్, సినియర్ అసిస్టెంట్ రామకృష్ణ, కార్పొరేటర్లు విక్రమసింహా రెడ్డి, కృష్ణకాంత్ రెడ్డి తదితరులు పాల్గొన్నారు.