చవితి వేడుకల్లో కరెంట్ షాక్ తగిలి యువకుడు దుర్మరణం (వీడియో)

వైయస్సార్ కడప జిల్లా, ప్రొద్దుటూరు

వినాయక చవితి వేడుకల్లో ప్రొద్దుటూరులోని రామేశ్వరానికి చెందిన ఉండేల చరణ్ రెడ్డి అనే విద్యార్థి కరెంట్ షాక్ తగిలి మృతి చెందాడు. వివరాల్లోకి వెళితే, ప్రొద్దుటూరు పట్టణ వ్యాప్తంగా వినాయక చవితి వేడుక సంబరాలు అంబరాన్ని అంటాయి, యువత పెద్ద ఎత్తున చెవితి వేడుకల్లో పాల్గొని పట్టణంలోని వీధి వీధి నందు గణనాథుని ప్రతిష్టించి పూజలు చేశారు. అయితే ఆదివారం సాయంత్రం పట్టణంలోని రామేశ్వరం నందు ఏర్పాటుచేసిన గణపతి మంటపం నందు చరణ్ రెడ్డి అనే విద్యార్థి కూలర్ ఆన్ చేయిస్తుండగా విద్యుత్ షార్ట్ సర్క్యూట్ అయ్యి కరెంట్ షాక్ తగిలి అక్కడికక్కడే మృతి చెందాడు. చరణ్ బీటెక్ మూడవ సంవత్సరం చదువుతున్నాడు, చరణ్ మృతితో కుటుంబ సభ్యులను ఓదార్చడం ఎవరితరం కాలేదు.