అదోనిలో గణేష్ శోభాయాత్ర లో మాజీ ఎం.ఎల్.ఏ మీనాక్షి నాయుడు తో కలిసి పాల్గొన్న ఎం.పి బస్తిపాటి నాగరాజు

కర్నూలో జిల్లా మత సామరస్యానికి ప్రతీక

ఏపీ టుడే న్యూస్, కర్నూలు బ్యూరో

ఎలాంటి గొడవలు లేకుండా గణేష్ నిమజ్జనం వేడుకలను ప్రశాంత వాతావరణంలో నిర్వహించుకోవాలని కర్నూలు ఎం.పి బస్తిపాటి నాగరాజు కోరారు.. ఆదోనిలో గణేష్ నిమజ్జనం సందర్భంగా నిర్వహించిన శోభాయాత్రలో మాజీ ఎం.ఎల్.ఏ మీనాక్షి నాయుడు తో కలిసి ఆయన పాల్గొన్నారు..ముందుగా విశ్వ హిందూ పరిషత్ ఆధ్వర్యంలో ఏర్పాటు చేసిన వినాయకుడి విగ్రహానికి పూజలు చేసిన ఎం.పి, మాజీ ఎం.ఎల్.ఏ లు అనంతరం శోభాయాత్రను ప్రారంభించారు… ఈ సందర్భంగా ఎం.పి నాగరాజు మాట్లాడుతూ కుల మతాలకు అతీతంగా గణేష్ శోభాయాత్ర లో అందరు కలిసి ఆనందంగా పాల్గొనడం హర్షించదగ్గ విషయమన్నారు.. కర్నూలు జిల్లా మత సమారస్యానికి ప్రతీక అని, ఇక్కడ అన్ని కులాల వారు అన్ని పండుగలను కలసి జరుపుకుంటారాన్న ఎం.పి, ఇక కర్నూలు జిల్లా అభివృద్ధికి ఎన్డీయే కూటమి ప్రభుత్వం కట్టుబడి ఉందని , జిల్లాలోని సమస్యలను పరిష్కరించి అన్ని విధాలుగా అభివృద్ధి పరుస్తామన్నారు.. ఈ కార్యక్రమంలో విశ్వహిందూ పరిషత్ నాయకులు, టిడిపి నాయకులు, కార్యకర్తలు తదితరులు పాల్గొన్నారు..