పరిసరాల పరిశుభ్రత మనందరి బాధ్యత

పరిసరాల పరిశుభ్రత మనందరి బాధ్యత

పత్తికొండ,ఏపీటుడే న్యూస్:

పరిసరాలను పరిశుభ్రంగా ఉంచుకోవాలని పరిశుభ్రత మనందరి బాధ్యత అని ఎంపీడీఓ గౌరీదేవి, ఈవోపీఆర్డీ సూర్యనారాయణ పేర్కొన్నారు.స్వచ్ఛతసేవ హై 2024 కార్యక్రమంలో భాగంగా దేవనకొండ మండల కేంద్రంతో పాటు అన్ని సచివాలయాలలో ఆయా పంచాయతీ కార్యదర్శిల ఆధ్వర్యంలో పాఠశాల విద్యార్థులతో గ్రామాల్లోని వీధులలో ర్యాలీ నిర్వహించారు. ఈ సందర్భంగా వారు మాట్లాడుతూ ప్రభుత్వం గ్రామాల అభివృద్ధికి అన్ని రకాలుగా కార్యక్రమాలు చేస్తోంది అని అందులో భాగంగానే స్వచ్ఛత కూడా పాటించేలా స్వచ్ఛ భారత్ కార్యక్రమం కూడా నిర్వహిస్తోంది అని తెలిపారు. వ్యక్తిగత పరిశుభ్రతతో పాటు ఇల్లు, వీధులు,దేవాలయాలు,పాఠశాలలు, ప్రభుత్వ కార్యాలయాల వద్ద పరిశుభ్రత పాటించాలి అని సూచించారు.ఈ కార్యక్రమంలో ఉపాధ్యాయులు తదితరులు పాల్గొన్నారు.