పెరిగిన వరద ఉధృతితో ఆర్టిపిపికి రాకపోకలు బంద్

ఏపీ టుడే న్యూస్,
కడప జిల్లా, ప్రొద్దుటూరు

గండికోట ప్రాజెక్టు నుండి మైలవరం జలాశయం ద్వారా దాదాపు 12 వేల క్యూసెక్కుల వరద నీటిని దిగువకు విడుదల చేయటంతో, ప్రొద్దుటూరు పరివాహక ప్రాంతంలోని పెన్నా నది జలకల సంతరించుకుంది. బుధవారం సాయంత్రం నది పరివాహక ప్రాంతాలలోని పట్టణాలను గ్రామాలను అప్రమత్తం చేసిన మైలవరం జలాశయ అధికారులు, క్రమంగా మైలవరానికి వరద ఉధృతి పెరుగుతున్న కారణంగా దాదాపు 12 వేల క్యూసెక్కుల నీటిని పెన్నా నదికి విడుదల చేయనున్నారు. క్రమంగా ప్రొద్దుటూరు పెన్నా నది నందు వరద ప్రవాహం పెరుగుతోంది. పెన్నా నది పరివాహక ప్రాంతం దగ్గరికి ప్రజలు వెళ్లకుండా అధికారులు తగు సూచనలు సలహాలు చేశారు. ఇందులో భాగంగా రాత్రి నుండి పోలీసులను సంబంధిత విఆర్వోలను కాపలాగా ఉంచారు. లోతట్టు ప్రాంతాల ప్రజలు అప్రమత్తతతో మెలగాలని తగు జాగ్రత్తలు తీసుకొని ప్రభుత్వ హెచ్చరికలను బేకాతరు చేయకుండా పోలీసులు రెవెన్యూ సిబ్బందికి సహకరించాలని కోరారు. ఇదిలా ఉండగా ప్రొద్దుటూరు రామేశ్వరం నుండి కల్లమల్ల ఆర్టిపిపి కి వెళ్ళు మట్టి రోడ్డు పాక్షికంగా వరద ఉధృతికి కొట్టుకొని పోగా రాకపోకలకు అంతరాయం ఏర్పడింది. గురువారం రాత్రికి వరద ఉధృతి పెరిగి పెన్నాకి మరిన్ని వేల క్యూసెక్కుల మైలవరం జలాశయ నీరు చేరనుంది.