ఆలూరు ప్రాంత సమస్యల పరిష్కారానికి సీఎంను కలుస్తాం.. జర్నలిస్టుల శ్రమ వృథా కాకూడదు.. సిపిఐ రాష్ట్ర కార్యదర్శి కె.రామకృష్ణ

ఏపీ టుడేన్యూస్,
పత్తికొండ/ఆలూరు:

ఆలూరు ప్రాంత అభివృద్ధికై ఏపీయూడబ్ల్యూజే ఆధ్వర్యంలో జర్నలిస్టులు చేసిన ప్రయత్నం అభినందనీయమని సిపిఐ రాష్ట్ర కార్యదర్శి రామకృష్ణ అన్నారు. శనివారం ఆలూరు ఆర్ అండ్ బి అతిథి గృహంలో ఆలూరు టీడీపీ ఇంచార్జి వీరభద్రగౌడ, సీపీఐ జిల్లా కార్యదర్శి గిద్దయ్యాలతో కలసి నిర్వహించిన విలేకరుల సమావేశంలో ఆయన మాట్లాడుతూ ఆలూరు అభివృద్ధిలో మీడియా,ప్రజా ప్రతినిధులు,అధికార్ల పాత్ర పై ఈనెల 22న నిర్వహించిన సెమినార్లో పలు సమస్యలపై ప్రస్తావించడం ద్వారా సమస్యలు వెలుగులోకి వచ్చాయన్నారు. ఎన్నో ఏళ్లుగా ఈ ప్రాంతం వెనుకబాటుకు గురి అవుతుందని అన్నారు. నియోజవర్గంలో సాగు నీటి వనరులు లేకపోవడమే ప్రధాన కారణం అన్నారు. త్రాగునీటి సమస్య తీవ్రంగా ఉందన్నారు రహదారులు అస్తవ్యస్తంగా మారిపోయాయని అన్నారు. వేదవతి నగరడో ణ ప్రాజెక్టులు పూర్తి అవుతే సాగు త్రాగు నీటి సమస్య పరిష్కారం అవుతుందన్నారు. ఇందుకోసం ఆలూరు ప్రాంత ప్రజాప్రతినిధులు, తరుణ్ పార్లమెంట్ అభ్యర్థి నాగరాజు తో కలిసి ముఖ్యమంత్రి వద్దకు వెళ్లి జర్నలిస్టులు నిర్వహించిన సెమినార్ వృధా కాకుండా అందులో ఉన్న సమస్యలను ఆయన దృష్టికి తీసుకెళ్లి పరిష్కార మార్గానికి కృషి చేస్తామన్నారు. అనంతరం ఏపీడబ్ల్యూజే జిల్లా తాలూక నాయకులు స్వరూప్,శ్రీధర్,సురేష్,చంద్రబాబు,మండల కార్యదర్శి వీరేష్,తాలూక నాయకులు రాజేష్, గోపాల్,దానియేలు, భీమా,రాం మోహన్,రంగస్వామి,నారాయణ,వీరే ష్,ఏర్రి స్వామి,ఖాదర్,సాయి
ఆయనను సన్మానించి మెమొంటో అందజేశారు.