ధ్వంసమైన ఫుట్‌పాత్‌‌లకు మరమ్మతులు చేపట్టండి

ధ్వంసమైన ఫుట్‌పాత్‌‌లకు మరమ్మతులు చేపట్టండి

ఏపీ టుడే న్యూస్, కర్నూలు బ్యూరో

నగరంలో రహదారులు, వంతెనల గుండా ధ్వంసమైన ఫుట్‌పాత్‌లకు అవసరమైన మరమ్మత్తు పనులు వెంటనే చేపట్టాలని నగరపాలక కమిషనర్ ఎస్.రవీంద్ర బాబు అధికారులను ఆదేశించారు. గురువారం రాజ్ వీహర్, వడ్డేగిరి, ఆర్.యస్. రోడ్డు, ఆనంద్ థియోటర్, కిసాన్ ఘాట్, బాపూజీ నగర్ తదితర ప్రాంతాల్లో కమిషనర్ విసృతంగా పర్యటించారు. ఆయా ప్రాంతాల్లో పారిశుద్ధ్య పనులు, పలుచోట్ల ధ్వంసమైన ఫుట్‌పాత్‌లను పరిశీలించారు. చిన్న, పెద్ద కాలువలు తేడా లేకుండా అన్ని కాలువల్లో పూడికతీత పనులు చేపట్టాలన్నారు. కార్యక్రమంలో ఆరోగ్యధికారి డా. వి.విశ్వేశ్వర్ రెడ్డి, డిఈఈ నరేష్, శానిటేషన్ ఇంస్పెక్టర్ ముర్తుజా వలి తదితరులు పాల్గొన్నారు.