ఎమ్మెల్యే విరూపాక్షి అనుచరుల వీరంగం… గాలిమరల యంత్రాలు ధ్వంసం.. కమీషన్ కోసమే దాడులు చేసినట్లు అనుమానాలు.. 24 మంది అనుచరులు అదుపులోకి..

ఏపి టుడే న్యూస్,ఆలూరు:

ఆలూరు ఎమ్మెల్యే విరూపాక్షి అనుచరులు నియోజకవర్గ పరిధిలోని ఆలూరు,దేవనకొండ మండలాలలోని గాలిమరల సబ్ స్టేషన్ లోని యంత్రాలను ధ్వంసం చేసి వీరంగం సృష్టించారు. అనంతరం అక్కడ విధులు నిర్వహిస్తున్న సిబ్బంది పై కూడా దాడికి పాల్పడ్డారు.అయితే మొలగవల్లి,జొహరాపురంతో పాటు దేవనకొండ మండలం జిల్లేడుబుడకల గ్రామాల్లో గమేసారి,న్యూ,గ్రీన్ ఇన్ఫ్రా సంస్థల గాలిమరల యాజమాన్యం ఎమ్యెల్యే అనుచరులకు కమీషన్ విషయంలో విభేధాలు రావడంతోనే కార్యాలయాలలోని కంప్యూటర్లు,యంత్ర సామగ్రి,ఫర్నీచర్, కిటికీలు ధ్వంసం చేసినట్లు సమాచారం.
దాడులకు పాల్పడిన విషయం తెలుసుకున్న గుంతకల్ ఎమ్మెల్యే గుమ్మనూరు జయరామ్ సోదరులు శ్రీనివాసులు,నారాయణ తమ అనుచరులతో కలసి ధ్వంసం అయిన సబ్ స్టేషన్లను కార్యాలయాలను పరిశీలించి ఆలూరు ఎమ్మెల్యే విరూపాక్షి అనుచరుల తీరును తీవ్రంగా ఖండించారు. వెనుకబడిన ఆలూరు నియోజకవర్గ పరిధిలోని పరిశ్రమలను అడ్డుకోవడానికి ఇలాంటి సంఘటనలకు పాల్పడుతున్నారు అని తగదని వారు స్పష్టంచేశారు. ముఖ్యమంత్రి చంద్రబాబు జిల్లా ఎస్పీ బిందుమాధవ్ దుండగులపై కఠిన చర్యలు తీసుకోవాలని కోరారు.

ఎమ్మెల్యే అనుచరుల అరెస్ట్…

గాలిమరల సబ్ స్టేషన్ కార్యాలయాలపై దాడి జరిగిన విషయం తెలుసుకున్న జిల్లా ఎస్పీ ఆదేశాల మేరకు వెంటనే అప్రమత్తమైన ఆలూరు సిఐ శ్రీనివాసులు నాయక్,ఎస్ఐ నరసింహులు,పత్తికొండ సిఐ జయన్న,దేవనకొండ సిఐ వంశీనాథ్ తమ సిబ్బందితో కలిసి ఎమ్మెల్యే విరూపాక్షి సోదరుడు వెంకటేష్ దేవనకొండ జడ్పీటీసీ కిట్టుతో పాటు మొత్తం 24 మంది అనుచరులను దేవనకొండ టర్నింగ్ ఆర్ఆర్ ఫంక్షన్ నందు అదుపులోకి తీసుకుని ఆలూరు స్టేషన్ కు తరలించారు.అంతే కాకుండా సంఘటన జరిగిన ప్రదేశంలో సిసి కెమెరాలు ఆధారాలు ఇంకా ఎవరైనా నిందితులు ఉంటే వారిని కూడా అరెస్ట్ చేయడం జరుగుతుందని తెలిపారు.