మహానంది దేవస్థానానికి 2 ఎకరాల పొలం, ఇల్లు విరాళం

ఏపీ టుడే న్యూస్, మహానంది, అక్టోబర్ 24:

మహానంది దేవస్థానానికి గోపవరం గ్రామానికి చెందిన విశ్రాంత లెక్చరర్ డి.రాజు శకుంతల దంపతులు సుమారు రెండు కోట్ల పైగా విలువ గల 2 ఎకరాల10 సెంట్ల పొలం, 5 సెంట్ల స్థలంలో ఇళ్లను విరాళంగా గురువారం అందజేశారు. ముందుగా ఆలయ ఈవో నల్ల కాల్వ శ్రీనివాసరెడ్డి, ఆలయ మర్యాదలతో వారికి స్వాగతం పలికారు. స్వామి అమ్మవాళ్ళను దర్శించుకుని, అభిషేకం కుంకుమార్చన పూజలు నిర్వహించుకున్నారు. పూజల అనంతరం విరాళంగా అందజేసిన దాతలను, ఆలయ ఈవో శేష వస్త్రంతో సత్కరించి, స్వామివారి జ్ఞాపికను అందజేయగా, వేద పండితులు వేద ఆశీర్వచనాలు చేసి, తీర్థప్రసాదాలు అందజేశారు. ఈ కార్యక్రమంలో ఆలయ ఏఈఓ మధు, ఆలయ అధికారులు, సిబ్బంది, తదితరులు పాల్గొన్నారు.