టిడ్కో గృహాలలో వసతుల కల్పనకు చర్యలు*

టిడ్కో గృహాలలో వసతుల కల్పనకు చర్యలు

నాగేంద్రుడు
ఏపీ టుడే న్యూస్, కర్నూలు బ్యూరో
నగరపాలక సంస్థ;

జగన్నాథ గట్టు వద్దనున్న టిడ్కో గృహాలలో అవసరమైన వసతులను కల్పించేందుకు చర్యలు తీసుకుంటున్నట్లు నగరపాలక కమిషనర్ ఎస్.రవీంద్ర బాబు అన్నారు. సోమవారం అధికారులతో కలిసి కమిషనర్ టిడ్కో గృహాలను పరిశీలించారు. ఈ సందర్భంగా కమిషనర్ మాట్లాడుతూ టిడ్కో గృహాలలో 255 బ్లాకుల్లో 10,000 వేల గృహాలు ఉన్నాయన్నారు. అందులో నివాసముంటున్న లబ్దిదారులు, ఖాళీగా ఉన్న గృహాలకు సంబంధించిన వివరాలతో పాటు విద్యుత్, తాగునీటి కనెక్షన్ వంటి వివరాలను తెలుసుకునేందుకు అధికారులు, సచివాలయ సిబ్బందితో సర్వే చేపట్టామన్నారు. వాటి ఆధారంగా తగు చర్యలు తీసుకుంటామని, అలాగే గృహాలలో తగు మరమ్మత్తు పనులను చేపడతామని తెలిపారు. కార్యక్రమంలో టిడ్కో డిఈ గుప్తా, నగరపాలక టిడ్కో స్పెషలిస్ట్ అధికారి పెంచలయ్య తదితరులు పాల్గొన్నారు.