రోడ్డుపైనే ధాన్యం ఆరబోత

ఏపీ టుడే న్యూస్ నంద్యాల జిల్లా/పాణ్యం డిసెంబర్ 8

పాణ్యం మండల పరిధిలో ని ఆలమూరు గ్రామం వద్ద రోడ్ల పై ధాన్యం ఆరబోస్తుండటంతో ప్రమాదాలు చోటు చేసుకుంటున్నాయి.రైతులు వ్యవసాయ ఉత్పత్తులను ఆరబోయడానికి రోడ్లను వినియోగించుకుంటున్నారు. వరి ధాన్యం,మొక్కజొన్న పంటలను ఆరబోయడానికి సమీపంలోని రోడ్లను కల్లాలుగా వాడుకుంటున్నారు.దీని వల్ల ప్రమాదాలకు గురవుతున్న వాహనదారులు,సంబంధిత అధికారులు రైతులకు అవగాహన కల్పించాలంటున్న ప్రజలు ఉదయం ఆరబోసిన ధాన్యాన్ని సాయంత్రం కుప్పలు చేసి రాత్రిళ్లు అక్కడే ఉంచుతున్నారు.రాత్రి సమయంలో కుప్పలు గమ నించకపోవడంతో వాహనదారులు ప్రమాదాల బారిన పడుతున్నారు.రోడ్లపై నూర్పిడీలు చేయకుండా, ధాన్యం ఆరబోయకుండా చర్యలు తీసుకోవాలని, రైతులకు అవగాహన కల్పించాలని వాహన దారులు, ప్రయాణికులు కోరుతున్నారు.