పామూరులో వైకుంఠ ద్వార దర్శనానికి ఏర్పాట్లు

ప్రకాశం జిల్లా/పామూరు ఎపి టుడే న్యూస్ జనవరి 9

ప్రకాశం జిల్లా, పామూరు పట్టణంలో పుట్టనుండి స్వయంభూగా వెలసియున్న శ్రీ మదన వేణుగోపాల స్వామి వారి దేవస్థానములో తేది.10.01.2025 న అనగా శుక్రవారము నాడు ముక్కోటి సంధర్భంగా వైకుంఠ రాజగోపూర ద్వారా దర్శనము ఏర్పాటు చేయడమైనదని ఆలయ కార్యనిర్వహణాధికారి గిరిరాజు నరసింహ బాబు ఒక ప్రకటనలో తెలిపారు. శ్రీ స్వామి వారి దర్శనం ఉ.03.00 గం.ల నుండి ప్రారంభమగును. తదుపరి ఉ.11.00 గం.లకు పామూరు మాడవీధులలో కొలాటముల, మేళతాళాలముల, జనసందోహం నడుమ అంగరంగ వైభవంగా శ్రీ మదన వేణుగోపాల స్వామి వారి గ్రామోత్సవం జరుగును. ముక్కోటి సందర్భంగా రాత్రి 7.00 లకు దేవస్థానము వద్ద చందు డ్యాన్స్ అకాడమీ వారిచే కూచిపూడి జానపద నుత్యప్రదర్శన కలదు. కావున భక్తాదులందరు శ్రీ స్వామి వారిని దర్శించుకొని తీర్థ ప్రసాదాలు స్వీకరించి శ్రీ స్వామి వారి కృపకు పాత్రులు కాగలరని ఆహ్వానిస్తున్నామని అన్నారు.