రైతులకు నిద్రలేకుండా చేస్తున్న ఏనుగుల మంద

చిత్తూరు జిల్లా/బంగారు పాల్యం ఏపీ టుడే న్యూస్ జనవరి 14.

చిత్తూరు జిల్లా, బంగారుపాళ్యం మండలం, బోడబండ్ల గ్రామ పంచాయతీ పరిధిలో అటవీ జంతువులు ప్రజలకు కంటిమీద కునుకు లేకుండా చేస్తున్నాయి. గత కొద్దిరోజులుగా పొన్నెపాలెం, లక్ష్మీపురం, సీజేఎఫ్ఎస్ కాలనీ,జంబునేరేడుపల్లి,తదితర ప్రాంతాల్లో రెండు చిరుతపులులు, ఏనుగుల సంచారం ఎక్కువగా ఉంది. 14 ఏనుగుల మంద ఒక వైపు , మదపుటేనుగు మరోవైపు, చిరుత పులులు ఆ ప్రాంత ప్రజలకు నిద్ర లేకుండా చేస్తున్నాయి.సోమవారం రాత్రి పొన్నెపాలెంలోని కోదండ యాదవ్ కు చెందిన పొలంలో మామిడి వరి కొబ్బరి అరటి ఉలవలు, పంటలను ఏనుగుల మంద తిని తొక్కి నాశనం చేశాయి.ఏనుగులు చిరుతపులుల నుంచి తమను, పంటలను రక్షించాలని పలుమార్లు అటవీశాఖ అధికారులకు చెప్పిన ప్రయోజనం లేదని స్థానిక ప్రజలు ఆవేదన వ్యక్తం చేశారు.ఉన్నతాధికారులు స్పందించి తమకు న్యాయం చేయాలని రైతు కోదండ యాదవ్ కోరారు.