సీసీ కెమెరాలకు విరాళం మూడు లక్షల ఇరవై రెండు వేలు

పరిగి హైవే పైన సీసీ కెమెరాల ఏర్పాటు గురించి పరిగి మాజీ వైస్ ఎంపీపీ సత్యనారాయణ ముదిరాజ్ సహకారంతో అప్రోజర్ గ్లోరీ సంస్థ చైర్మన్ ఆప్షన్స్ సలాం 3 లక్షల ఇరవై రెండు వేలు అందజేత*

వికారాబాద్ జిల్లా/ పరిగి (ఏపీ టుడే న్యూస్) : మార్చి 1 :

సీసీ కెమెరాల ఏర్పాటుకు విరాళాలు అందించడం అభినందనీయమని పరిగి సిఐ. శ్రీనివాస్ రెడ్డి, పరిగి ఎస్ఐ. సంతోష్ కుమార్ లు అన్నారు. పరిగి హైవే పైన సీసీ కెమెరాలు ఏర్పాటు కోసం పరిగి మాజీ వైస్ ఎంపీపీ కె.సత్యనారాయణ సహకారంతో అప్రైజర్స్ గ్లోరీ సంస్థ చైర్మన్ ఆప్షన్ సలాం, డైరెక్టర్ కలీం బాబాలు పరిగి సిఐ శ్రీనివాస్ రెడ్డి, ఎస్ఐ. సంతోష్ కుమార్ లకు పరిగి పోలీసు స్టేషన్ లో 3 లక్షల 22 వెల రూపాయల చెక్కును సంస్థ వారు అందజేశారు. ఈ సందర్భంగా సిఐ, ఎస్ఐలు మాట్లాడుతూ..పరిగి ప్రాంతంలోని హైవే రోడ్లపై అత్యధికంగా రోడ్డు ప్రమాదాలు, దొంగతనాలు జరుగుతున్న క్రమంలో వీటి భారీ నుండి ప్రజలను రక్షించేందుకు సీసీ కెమెరాల ఏర్పాటు అవసరం ఉందన్నారు. సీసీ కెమెరాల కొనుగోలు కు స్వచ్ఛందంగా ముందుకు వచ్చి తమకు సహకరించాని వారు కోరారు. అప్రైజర్స్ గ్లోరీ సంస్థ అందజేసిన విరాళంతో జాతీయ రహదారి సుల్తాన్ పూర్ గేట్ నుండి రంగంపల్లి, గడిసింగాపూర్ చౌరస్తా వరకు 10 సీసీ కెమెరాలు ఏర్పాటు చేయడం జరుగుతుందని వారు తెలియజేశారు.