మార్చి 15 న ప్లాస్టిక్ రహిత కార్యక్రమం : ఇఓపిఆర్డి

నంద్యాల జిల్లా:శిరివెళ్ళ. ఏపీ టుడే న్యూస్.మార్చి 10
శిరివెళ్ల : ప్లాస్టిక్‌ రహిత సమాజమే ధ్యేయంగా ప్రభుత్వాలు కృషి చేస్తున్నాయని, ప్రజలందరూ భాగస్వాములై ప్లాస్టిక్‌ను విడనాడి, ఆరోగ్యాన్ని పరిరక్షించుకోవాలన్న సదుద్దేశంతో జిల్లా కలెక్టర్ గారి ఆదేశాల మేరకు మార్చి 15 మూడవ శనివారం ప్లాస్టిక్ రహిత కార్యక్రమాన్ని విస్తృతంగా నిర్వహిస్తున్నట్లు శిరివెళ్ల మండల ఈ ఓ పి ఆర్డి శ్రీనివాసుల శర్మ పిలుపునిచ్చారు. ప్లాస్టిక్‌ నిషేద, అవగాహన, విస్తృత ప్రచార కార్యక్రమంలో గ్రామపంచాయతీ సచివాలయ శానిటేషన్ ఇతర ప్రభుత్వ శాఖల అధికారులు భాగస్వాములు కావాలని సూచించారు.
హోటళ్ళు వ్యాపార కేంద్రాలు, సూపర్ మార్కెట్, ఇతర దుకాణాల యజమానులు సంపూర్ణ సహకారం అందించాల్సి ఉందన్నారు.
శిరివెళ్ల మండల వ్యాప్తంగా ఆయా గ్రామాలలో ప్లాస్టిక్‌ను నిషేదించాలని, ప్రతి ఒక్కరూ గుడ్డ మరియు పేపర్ సంచులనే వాడాలని ఇ ఓ పీ ఆర్ డి శ్రీనివాసుల శర్మ పేర్కొన్నారు. ప్లాస్టిక్ వాడకంపై విస్తృత ప్రచారం నిర్వహించేందుకు శనివారం నిర్వహించే కార్యక్రమంలో పాల్గొని విజయవంతం చేయాలని ఇఓపిఆర్డి పిలుపునిచ్చారు.