రాష్ట్రంలో ఉన్న సర్పంచుల సమస్యలను పరిష్కరించండి

రాష్ట్రంలో ఉన్న సర్పంచుల సమస్యలను పరిష్కరించండి

అమరావతి

ఆంధ్రప్రదేశ్ పంచాయతీరాజ్ మరియు గ్రామీణ అభివృద్ధి సంక్షేమ శాఖ కమిషనర్ మైలవరపు కృష్ణ తేజని కలిసి పంచాయతీ సర్పంచులు రాష్ట్ర వ్యాప్తంగా ఎదుర్కొంటున్న పలు సమస్యలను వివరించిన కడప జిల్లా సర్పంచుల సంక్షేమ సంఘం అధ్యక్షులు కొనిరెడ్డి శివ చంద్రారెడ్డి వినతి పత్రాన్ని అందజేశారు. ఈ సందర్భంగా గ్రామ పంచాయతీలకు రిజిస్ట్రేషన్ శాఖ నుంచి రావాల్సిన సర్ చార్జీలను వెంటనే విడుదల చేయాలని, కడప జిల్లాలో ఉన్న” KUDA ” నుంచి పంచాయతీలకు అలాగే కొత్తపల్లి గ్రామ పంచాయతీకి కూడా నిధులు, అలాగే 15 ఫైనాన్స్ కమిషన్ నిధులను వెంటనే విడుదల చేయాలని, సర్పంచులకు గత కొన్ని నెలలుగా రావాల్సిన పెండింగ్ గౌరవ వేతనాలను వెంటనే రిలీజ్ చేయాలని కమిషనర్ ను కోరారు. ఈ సందర్భంగా కమిషనర్ మైలవరపు కృష్ణ తేజ మాట్లాడుతూ, తప్పకుండా చర్యలు తీసుకొని ఉపముఖ్యమంత్రి తో చర్చించి నిధులు విడుదలకు కృషి చేస్తామని అన్నారు.