రిపోర్టర్: జైదేవ్
డా. బి ఆర్ అంబెడ్కర్ కోనసీమ జిల్లా
కొత్తపేట నియోజకవర్గం
ఆలమూరు మండలం

గుప్త నవరాత్రుల్లో భాగంగా బుధవారం ఆలమూరు మండలం చింతలూరు శ్రీ నూకాంబిక అమ్మవారు భక్తులకు శాకంబరిగా దర్శనమిచ్చారు. పూర్వం ఒకానొక సమయంలో దుర్గమాసురుడు అనే రాక్షసుడు భూమిని ఆక్రమించి ఇక్కడ యజ్ఞ యాగాది క్రతువులు జరగకుండా అడ్డుకోవడంతో కరువు సంభవించింది. అప్పుడు మునుల ప్రార్ధనతో అమ్మవారు శతాక్షి దేవిగా అవతరించి వానలు కురిపించారు.అలాగే జీవుల ఆకలి బాధలు తీర్చడానికి శాకములు ప్రసాదించారు. దానితో ప్రజల ఆకలి బాధ తీరింది. అప్పటి నుంచి అమ్మవారిని ఆషాడమాసంలో శాకంబరీ దేవి గా అలంకరించి పూజించడం ఆనవాయితీగా వస్తుంది. బుధవారం ఆషాడ శుద్ధ చవితి తో కూడిన పంచమి రోజు చింతలూరు శ్రీ నూకంబిక అమ్మవారిని 108 కిలోల వివిధ రకాల కూరగాయలతో శాకాంబరిగా భక్తులు అలంకరించారు. ప్రత్యేక కుంకుమ పూజలు నిర్వహించారు. అధిక సంఖ్యలో అమ్మవారిని భక్తులు దర్శించుకున్నారు.