సోషల్ మీడియా పై ప్రత్యేక దృష్టి

చిత్తూరు జిల్లా

చిత్తూరు

– జిల్లా వ్యాప్తంగా జరిగిన సార్వత్రిక ఎన్నికల్లో భాగంగా మంగళవారం ఓట్ల లెక్కింపు కార్యక్రమం నిర్వహించనున్నారు. ఈ సందర్భంగా చిత్తూరు పట్టణ సమీపంలోని ఎస్ వి సెట్ కళాశాలలో అన్ని ఏర్పాట్లను ఎన్నికల అధికారులు పూర్తి చేశారు. జిల్లా ఎన్నికల అధికారి మరియు కలెక్టర్ సన్మోహన్, ఎస్పీ మణికంఠ చందోలు పర్యవేక్షణలో రేపు జరిగే ఎన్నికల కౌంటింగ్ ప్రక్రియకు అధికార యంత్రాంగం సర్వం సన్నద్ధమైంది. మొదటిగా ఉదయం 8 గంటలకు పోస్టల్ బ్యాలెట్ తో ప్రారంభమై మధ్యాహ్నం రెండు గంటల ప్రాంతానికి 80% ఎంపిక పూర్తి అవుతుందని పోలింగ్ అధికారులు తెలియజేస్తున్నారు. జిల్లా వ్యాప్తంగా 144 సెక్షన్, 30 పోలీస్ యాక్ట్ అమల్లో ఉంటుందని, సోషల్ మీడియా పై ప్రత్యేక దృష్టి ఉంటుందని అధికారులు తెలియజేశారు. నిబంధనలు విరుద్ధంగా రెచ్చగొట్టే విధంగా, గొడవలు నిర్వహించిన వారిపట్ల కఠిన తరంగా సెక్షన్లు ఉపయోగించి వారిని జైలుకు పంపుతామని అధికారులు సూచించారు. క్షేత్రస్థాయిలో అప్రమత్తంగా ఉండాలనితెలిపారు.