మురికి కాలువలో తాగునీటి పైప్‌లైన్ తొలగించండి

ఏపీ టుడే న్యూస్ బ్యూరో కర్నూల్ సిటీ

తాగునీటి పైప్‌లైన్‌ను మురికి కాలువకు ఆనుకుని నిర్మిస్తున్నారని, దానిని కాలువ వైపునకు కాకుండా రహదారి పక్కన నిర్మించాలని నగరపాలక సంస్థ కార్యాలయ మేనేజర్ చిన్నరాముడిముని గుత్తి పెట్రోల్ పంపు సమీపంలోని రుక్మిణీ నగర్ వాసులు కోరారు. ఈ మేరకు బుధవారం నగరపాలక కార్యాలయంలో మేనేజర్‌కు వినతిపత్రం అందజేశారు. మరోవైపు మార్చడం వల్ల తాగునీటి సరఫరా సమస్య ఏర్పడుతుందని, ఇప్పటికే పలు కొళాయి లైన్లు దెబ్బ తిన్నాయని రుక్మిణీ కాలనీ వాసులు పేర్కొన్నారు. కార్యక్రమంలో హుస్సేన్ సాబ్, వై.లోకనాథ్ రెడ్డి, నరేంద్ర రెడ్డి, రామానాయుడు, ధనుంజయ ఆచారి తదితరులు పాల్గొన్నారు.