ప్రజలకు మెరుగైన సర్వీసులు అందించండి. సచివాలయ సిబ్బందిని ఆదేశించిన జిల్లా కలెక్టర్ రాజకుమారి గణియా.

ఏపీ టుడే న్యూస్ బ్యూరో నంద్యాల సిటీ.

సచివాలయాల ద్వారా ప్రజలకు మెరుగైన సర్వీసులు అందించాలని జిల్లా కలెక్టర్ జి. రాజకుమారి సచివాలయ సిబ్బందిని ఆదేశించారు.
బుధవారం నంద్యాల పట్టణం మునిసిపల్ పరిధిలోని రైతు నగర్ లో 22 వార్డు సచివాలయాలను కలెక్టర్ ఆకస్మికంగా తనిఖీ చేశారు.
సచివాలయ పరిసర ప్రాంతాలు అపరిశుభ్రంగా ఉండడంపై కలెక్టర్ అసంతృప్తి వ్యక్తం చేస్తూ పరిశుభ్రంగా ఉంచుకోవాలని సిబ్బందిని ఆదేశించారు. రెండు రోజుల్లో తాను మళ్ళీ వచ్చి పరిశీలిస్తానన్నారు. సిబ్బంది హాజరు పట్టికను పరిశీలిస్తూ చేస్తున్న పనులపై ఆరా తీసారు. సచివాలయాల ద్వారా దరఖాస్తు చేస్తున్న ప్రతి ఒక్క సర్వీసును నిర్ణీత కాల పరిమితిలోగా పూర్తి చేయాలని సిబ్బందిని ఆదేశించారు. కార్యాలయంలోని కంప్యూటర్లు, బల్లలు పరిశుభ్రంగా ఉంచుకోవాలని కలెక్టర్ సూచించారు.