విజయవాడ వీధుల్లో నగరపాలక సిబ్బంది విధులు

ఏపీ టుడే న్యూస్, కర్నూలు బ్యూరో

విజయవాడ నగరం వరదమయంగా మారడంతో సహాయక చర్యల నిమిత్తం అక్కడికి వెళ్ళిన కర్నూలు నగరపాలక సంస్థ ప్రత్యేక బృందం సభ్యులు తొలిరోజు విధుల్లో నిమగ్నమయ్యారు. ఎస్ఈ వేణుగోపాల్, ఎంఈలు శేషసాయి, షాకీర్, డిఈఈలు రవిప్రకాష్ నాయుడు, రాజశేఖర్, గిరిరాజు, కృష్ణలత, నలుగురు శానిటేషన్ ఇంస్పెక్టర్లు, 16 మంది సెక్రటరీలు, 12 మంది ఎమినిటీస్ సెక్రటరీలు, 100 మంది కార్మికులు మంగళవారం రాత్రి తరలి వెళ్ళిన సంగతి తెలిసిందే. మొత్తం 138 మందికి విజయవాడలో వివిధ ప్రాంతాల్లో విధులను కేటాయించారు. సిబ్బంది విడివిడిగా పలుచోట్ల శానిటేషన్ స్పెషల్ డ్రైవ్ పనులను చేపట్టారు. బుధవారం విజయవాడ వీధుల్లో నగరపాలక సిబ్బంది అంతా బిజిబిజీగా గడిపారు.