బాలల పరిశీలన గృహం, కర్నూలు ను సందర్శించిన జిల్లా న్యాయ సేవాధికార సంస్థ కార్యదర్శి బి.లీలా వెంకట శేషాద్రి

ఏపీ టుడే న్యూస్, కర్నూలు బ్యూరో

జిల్లా న్యాయ సేవాధికార సంస్థ కార్యదర్శి బి.లీలా వెంకట శేషాద్రి ఈ రోజు కర్నూలు నందు గల బాలల పరిశీలన గృహం, కర్నూలు ను తనిఖీ చేశారు. కార్యాలయముకు సంబందించిన రిజిస్టర్ లను పరిశీలించి అక్కడ ఉన్న పిల్లలకు అవగాహన సదస్సును నిర్వహించారు. ఈ సదస్సులో జిల్లా న్యాయ సేవాధికార సంస్థ కార్యదర్శి చట్టంతో వివేదించబడిన బాలలకు సంబందించిన చట్టాలను, ఉచిత న్యాయ సహాయమును గురించి తెలియజేశారు. ఈ కార్యక్రమంలో ప్రభుత్వ బాలుర పరిశీలన గృహం సూపరింటెండెంట్ ఎం. హుస్సేన్ బాష, డి‌పి‌ఓ దివాకర్, న్యాయవాది బి.లక్ష్మినారాయణ తదితరులు పాల్గొన్నారు.