శ్రీవారి బ్రహ్మోత్సవ వాహన సేవలలో ఆకట్టుకునేలా కళాబృందాల ప్రదర్శన – 15 రాష్ట్రాల్లో నుండి కళాబృందాలు

తిరుపతి జిల్లా తిరుమల, 2024 సెప్టెంబరు 12

తిరుమల శ్రీవారి బ్రహ్మోత్సవాలు అక్టోబరు 4 నుండి 12వ తేదీ వరకు అంగరంగ వైభవంగా నిర్వహించనున్నారు. టీటీడీ ధార్మిక ప్రాజెక్టుల ఆధ్వర్యంలో స్వామివారి వాహన సేవలలో భక్తులను విశేషంగా ఆకట్టుకునేలా దేశంలోని వివిధ రాష్ట్రాల్లో నుండి కళాబృందాల ప్రదర్శన ఏర్పాటు చేస్తున్నారు.

ప్రపంచవ్యాప్తంగా ఉన్న శ్రీవారి భక్తులు వాహన సేవలు వీక్షిస్తున్నప్పుడు వారికి రెండు ప్రధాన అంశాలు కనిపిస్తుంటాయి. శ్రీవారు ప్రతి రోజు ఉదయం, సాయంత్రం ఒక్కో అలంకారంలో భక్తులకు దర్శనం ఇస్తూ కనిపిస్తారు. రెండవది ఆ స్వామి వాహనం ముందు ఉన్నటువంటి భక్త బృందము, కళా బృందాల ప్రదర్శనలు కన్నులవిందుగా ఉంటాయి.

ప్రాచీన కాలం నుంచి స్వామివారి వాహన సేవల ముందు సంకీర్తనలు, కోలాటాలు, నృత్యాలు చేస్తూ వస్తున్నారు. దేవదేవుని వైభవాన్ని మరింతగా చాటి చెప్పాలనే ఉద్దేశ్యంతో బ్రహ్మోత్సవాలలో టీటీడీ ధార్మిక ప్రాజెక్టుల ద్వారా అత్యద్భుతమైన కళా ప్రదర్శనలను ఏర్పాట