ఎస్టీపి నిర్మాణానికి స్థల పరిశీలన

ఎస్టీపి నిర్మాణానికి స్థల పరిశీలన

ఏపీ టుడే న్యూస్, కర్నూలు బ్యూరో

అమృత్ పథకం 2.0లో భాగంగా నగరానికి మంజూరైన మురుగునీటి శుద్ధి కేంద్రం (ఎస్టీపి) ఏర్పాటుకు సంబంధించి రెండు ప్రదేశాలను నగరపాలక కమిషనర్ ఎస్.రవీంద్ర బాబు పరిశీలించారు. శుక్రవారం నగరపాలక, పబ్లిక్ హెల్త్ శాఖ అధికారులతో కలిసి సుంకేసుల రోడ్డులో తుంగభద్ర నది ఒడ్డునున్న పాత పంప్ హౌస్, హిందూ స్మశాన వాటికలను కమిషనర్ పరిశీలించారు. రూ‌.135 కోట్లతో చేపట్టాల్సిన ఎస్టీపి నిర్మాణానికి అనువైన ప్రదేశాన్ని ఎంపికకు సంబంధించి సమగ్ర ప్రణాళిక రూపొందించాలని అధికారులను కమిషనర్ ఆదేశించారు. కార్యక్రమంలో ఎంఈ శేషసాయి, పబ్లిక్ హెల్త్ ఈఈ మురళీమోహన్, ఎసిపి రంగస్వామి, టౌన్ ప్లానింగ్ సూపర్వైజర్ షబ్రీష్, ఏఈలు దినేష్, జనార్ధన్ తదితరులు పాల్గొన్నారు.