మొక్కలు నాటడం మనిషి బాధ్యత-ఏడీఏ విజయమోహన్

ఏపీ టుడే న్యూస్,పత్తికొండ ప్రతినిధి.

ప్రతి ఒక్కరూ మొక్కలు నాటాలి అని మొక్కలు నాటడం మనిషి యొక్క కనీస బాధ్యతగా తీసుకోవాలని పత్తికొండ ఏడిఏ విజయమోహన్,ఏ.ఓ సురేష్ బాబు పేర్కొన్నారు. ఈ మేరకు గురువారం డివిజన్ పరిధిలోని దేవనకొండ ఉన్నత పాఠశాలలో వెంకట సాయి ఫర్టిలైజర్స్ అధినేతలు వేణు గోపాల్ రావు, సదాశివరావు తమ తండ్రి ముద్దన రామారావు 19వ వర్ధంతి సందర్భంగా పాఠశాల విద్యార్థులకు 1000 మామిడి పండ్ల మొక్కలను పంపిణీ చేశారు. ఈ సందర్భంగా వారు మాట్లాడుతూ తమ తండ్రి జ్ఞాపకార్థం మొక్కలు అందించామని విద్యార్థులు మొక్కలను ఇంటివద్దకాని పొలంలో కానీ నాటుకొని పెంచుకుంటే 3 సంవత్సరాల కాలంలోనే కాపుకు వచ్చి పండ్లను పొందవచ్చు అని తెలిపారు.చెట్లు శాశ్వతంగా నిలచిపోతాయని గుర్తుచేశారు.ఈ కార్యక్రమంలో వ్యవసాయ శాఖ అధికారులు, ఉపాధ్యాయులు,కుటుంబ సభ్యులు తదితరులు పాల్గొన్నారు.