దంతాల ఆరోగ్యంపై అవగాహ‌న కార్య‌క్ర‌మం

ఏపీ టుడే న్యూస్, కర్నూలు బ్యూరో

దంతాల‌ను ఆరోగ్యంగా ఉంచుకోవ‌డంపై క‌ర్నూలుకు చెందిన ప్ర‌ముఖ గౌరీగోపాల్ హాస్పిట‌ల్ త‌రుపున అవ‌గాహ‌న కార్య‌క్ర‌మం నిర్వ‌హించారు.

క‌ర్నూలు మండ‌ల ప‌రిధిలోని ఇ. తాండ్ర‌పాడు, గొందిప‌ర్ల గ్రామాల్లోని ప్ర‌భుత్వ ఉన్న‌త పాఠ‌శాల‌లో విద్యార్థుల‌కు దంత సంర‌క్ష‌ణ‌పై అవ‌గాహ‌న క‌ల్పించారు. దంతాల‌ను ఏ విధంగా ప‌రిశుభ్రంగా ఉంచుకోవాలో హాస్పిట‌ల్ సిబ్బంది వివ‌రించారు. ప్ర‌తి రోజూ ఉద‌యం, రాత్రి త‌ప్ప‌నిస‌రిగా బ్ర‌ష్ చేయాల‌ని విద్యార్థుల‌కు సూచించారు. దంతాల‌ను ఆరోగ్యంగా ఉంచుకునేందుకు విద్యార్థి ద‌శ నుండే అవ‌గాహ‌న క‌లిగి ఉండాల‌న్నారు. అనంత‌రం విద్యార్థుల‌కు పేస్ట్‌ల‌ను ఉచితంగా పంపిణీ చేసిన‌ట్లు గౌరీగోపాల్ హాస్పిట‌ల్ వైద్య సిబ్బంది తెలిపారు. ఈ కార్య‌క్ర‌మంలో హాస్పిట‌ల్ మేనేజ‌ర్ శ్రీనివాస్, త‌దిత‌రులు పాల్గొన్నారు.