మానసిక ఉల్లాసానికి క్రీడలు దోహదం

మానసిక ఉల్లాసానికి క్రీడలు దోహదం

ఏపీ టుడే న్యూస్, కర్నూలు బ్యూరో

మానసిక ఉల్లాసానికి క్రీడలు దోహదపడతాయని నగరపాలక సంస్థ కమిషనర్ ఎస్.రవీంద్రబాబు పేర్కొన్నారు. బుధవారం అవుట్ డోర్ స్టేడియంలో స్కేటింగ్ రింక్ వద్ద జిల్లా స్థాయి స్కేటింగ్ పోటీలను కమిషనర్ ప్రారంభించారు. ఈ సందర్భంగా కమిషనర్ మాట్లాడుతూ విద్యార్థులు అన్ని రంగాల్లో రాణించాలన్నారు. తల్లిదండ్రుల ఆకాంక్షకు అనుగుణంగా విద్యార్థులు ఉన్నత శిఖరాలు అధిరోహించాలన్నారు. కాగా జిల్లాస్థాయి స్కేటింగ్‌లో గెలుపొందిన విజేతలు, వచ్చే నెల 6 నుండి 10 వరకు కాకినాడలో జరిగే రాష్ట్రస్థాయి పోటీల్లో పాల్గొంటారు. జిల్లా స్కేటింగ్ అసోసియేషన్ ఉపాధ్యక్షులు పి. సునీల్ కుమార్, కోశాధికారి అబు బాకర్, జిల్లా స్కేటింగ్ సంఘం కార్యవర్గ సభ్యుడు కాకని సత్యం, సంయుక్త కార్యదర్శి అన్నం పునీత చౌదరి, షాహీన్ భాను, పాండు, రంగప్రసాద్, అవినాష్ శెట్టి, రోలర్ స్కేటింగ్ రాష్ట్ర పరిశీలకులు బి.ఆంజనేయులు పర్యవేక్షకులు, కె.రాజశేఖర్, పునీత్ కుమార్ రెడ్డి, ఇర్ఫాన్ పాల్గొన్నారు.