మద్యం షాపుల టెండర్లకు గడువు పెంపు….. ఎక్సైజ్ సీఐ కృష్ణమూర్తి

ఏపీ టుడే న్యూస్,
నంద్యాల జిల్లా రుద్రవరం:

రాష్ట్ర ప్రభుత్వం ప్రవేశపెట్టిన నూతన మద్యం షాపుల టెండర్లకు దరఖాస్తులు చేసుకోవడానికి మరో 2 రోజులు గడువు పెంచడం జరిగిందని ఎక్సైజ్ శాఖ సిఐ కృష్ణమూర్తి అన్నారు. బుధవారం స్థానిక పోలీస్ స్టేషన్లో ఆయన పాత్రికేయుల సమావేశాన్ని నిర్వహించారు. ఈ సందర్భంగా ఆయన మాట్లాడుతూ ఆళ్లగడ్డ పరిధిలో 19 నూతన మద్యం షాపుల ఏర్పాటుకు అనుమతులు వచ్చాయన్నారు. నూతన మద్యం షాపుల టెండర్లకు గాను బుధవారం సాయంత్రానికి 219 దరఖాస్తులు రావడం జరిగిందన్నారు. నూతన మద్యం షాపుల టెండర్లకై రాష్ట్ర ప్రభుత్వం ఈనెల 11వ తేదీ సాయంత్రం 7 గంటల వరకు దరఖాస్తులు చేసుకోవచ్చన్నారు. లాటరీ ద్వారా ఎంపికైన వారు ఈనెల 16 నుండి మద్యం షాపులను నడుపుకోవచ్చు అని ఆయన తెలిపారు. ఈయన వెంట ఎక్సైజ్ ఎస్సై శ్రీనివాసులు, ఎక్సైజ్ హెడ్ కానిస్టేబుల్ నాగేంద్ర, ఏ ఎస్ ఐ భూపాల్ రెడ్డి ఉన్నారు.