గడివేముల మండలం పెసరవాయి గ్రామంలో కార్డెన్‌ సెర్చ్‌ ఆపరేషన్లు చేపట్టారు

ఏపీ టుడే న్యూస్ పాణ్యం రిపోర్టర్ అక్టోబర్ 20 :

పాణ్యం సర్కిల్ ఇన్స్పెక్టర్ కిరణ్ కుమార్ రెడ్డి ఆదివారం వేకువజామునే గడివేముల మండలం పెసరవాయి గ్రామంలో కార్డెన్‌ సెర్చ్‌ ఆపరేషన్లు చేపట్టారు.ఎస్సై నాగార్జున రెడ్డి ఆధ్వర్యంలో పోలీసులు పాత నేరస్తులు,రౌడీషీటర్లు,బెల్టు షాపులు మరియు ఇతర రాష్ట్రాల మద్యం,నాటు సారా, రికార్డులు లేని వాహనాలను,గుట్కా నియంత్రణ కోసం పాత కేసుల్లోని నిందితుల ఇళ్లల్లో మరియు పశువుల పాకలు, గడ్డి వాము ప్రాంతాలలో క్షుణ్ణంగా తనిఖీలు నిర్వహించారు. అనుమానితుల వివరాలను లోతుగా చెక్‌ చేశారు. అనంతరం ఆ గ్రామస్తులతో మాట్లాడుతూ ప్రశాంతంగా జీవించాలని సూచనలు చేశారు.ఎలాంటి అల్లర్లకు వెళ్లకూడదని కోరారు.మట్కా, పేకాట,తదితర అసాంఘిక కార్యకలాపాలకు దూరంగా ఉండాలని తెలియజేశారు. సమస్యలు సృష్టించినా, ప్రేరేపించినా కారణమైన వారిపై చట్టపరమైన చర్యలు తప్పవని సూచించారు.