ఆధార్ ప్రత్యేక క్యాంపులు సద్వినియోగం చేసుకోండి – నగరపాలక అదనపు కమిషనర్ ఆర్.జి.వి. క్రిష్ణ

ఏపీ టుడే న్యూస్, కర్నూలు బ్యూరో

నగరంలో పలు సచివాలయాల్లో ఏర్పాటు చేసిన ఆధార్ ప్రత్యేక క్యాంపులను ప్రజలు సద్వినియోగం చేసుకోవాలని నగరపాలక అదనపు కమిషనర్ ఆర్.జి.వి. క్రిష్ణ సూచించారు. గురువారం గౌలిగేరి 129వ సచివాలయంలో ఆధార్ క్యాంపును అదనపు కమిషనర్, మేనేజర్‌తో కలిసి పరిశీలించారు. ఈ సందర్భంగా అదనపు కమిషనర్ మాట్లాడుతూ శుక్రవారం‌తో ఆధార్ ప్రత్యేక క్యాంపులు ముగిస్తాయని, వాటి సత్వరం సేవలను ప్రజలు వినియోగించుకోవాలని కోరారు. బయోమెట్రిక్, డెమోగ్రాఫిక్ అప్డేట్స్, చిరునామా, మొబైల్ సంఖ్య వంటి సేవలను ఆధార్ క్యాంపులలో పొందవచ్చని, అలాగే 10 ఏళ్లు దాటిన పిల్లలు తప్పనిసరిగా బయోమెట్రిక్ అప్డేట్ చేసుకోవాలని కోరారు. అనంతరం కొత్తపేట 128వ సచివాలయాన్ని ఆకస్మిక తనిఖీ చేసి, పలు అంశాలపై అదనపు కమిషనర్ ఆరా తీశారు. పలు రికార్డులను పరిశీలించి, సిబ్బందికి పలు సూచనలు చేశారు.