బాల్యం వివాహాలను పట్టించుకోని ICDS జిల్లా అధికారి

బాల్య వివాహాలను ప్రోత్సహిస్తున్న ఐ.సి.డి.ఎస్ జిల్లా అధికారి శారదను తక్షణమే సస్పెండ్ చేయాలని యస్సీ,యస్టీ, బిసి,మైనార్టీ మహిళా ఐక్య వేదిక వ్యవస్థాపక అధ్యక్షురాలు పట్నం రాజేశ్వరి డిమాండ్ చేశారు.

బుధవారం కర్నూలు నందలి స్థానిక కలెక్టర్ కార్యాలయం ముందు యస్సీ,యస్టీ,బిసి,మైనార్టీ మహిళా ఐక్య వేదిక రాష్ట్ర అధ్యక్షురాలు నంది విజయలక్ష్మి ఆధ్వర్యంలో జరిగింది.ధర్నాకు పట్నం రాజేశ్వరి,సంచార జాతుల సంఘం రాష్ట్ర అధ్యక్షురాలు రుద్రాక్షల ఇందిరాదేవి,మాల మహానాడు రాష్ట్ర అధ్యక్షులు మాదాసు నాగరాజు,సమాచార హక్కు చట్టం అధ్యక్షులు జయన్నలు హాజరయ్యారు.ఈ సందర్భంగా పట్నం రాజేశ్వరి మాట్లాడుతూ వందల సంఖ్యలో బాల్య వివాహాలు జరుగుతున్న జిల్లా ఐ.సి.డి.ఎస్ అధికారులు నిమ్మకు నీరెత్తినట్లు వ్యవహరిస్తూ బాల్య వివాహాలను పరోక్షంగా ప్రోత్సహిస్తున్నారని ఆమె ఆవేదన వ్యక్తం చేశారు.