ఎన్టీఆర్ కు నివాళులు అర్పించిన ఎమ్మెల్యే డా” ముక్కు ఉగ్ర నరసింహారెడ్డి

ప్రకాశం జిల్లా / కనిగిరి ఎపి టుడే న్యూస్ జనవరి 18

తెలుగు జాతికి, తెలుగు సంస్కృతికి, తెలుగుభాషకు ఎనలేని సేవలందించిన తెలుగు వెలుగు తెలుగుదేశం పార్టీ వ్యవస్థాపక అధ్యక్షులు, స్వర్గీయ నందమూరి తారక రామారావు 29వ వర్ధంతి సందర్భంగా శనివారం కనిగిరి మండలంలోని నందనమరెళ్ళలో ఎమ్మెల్యే డా.ముక్కు ఉగ్ర నరసింహారెడ్డి పాల్గొని ఎన్టీఆర్ విగ్రహానికి పూలమాలలు వేసి ఘనంగా నివాళులర్పించారు. అనంతరం మాట్లాడుతూ నిరుపేదకు ఆహార భద్రత, పక్కా ఆవాసం కల్పించడమే లక్ష్యంగా ఎన్నో సంక్షేమ పథకాలను అమలుచేసి పేదల గుండెల్లో స్థిరనివాసం ఏర్పరచుకున్నా ఏకైక నాయకుడు నందమూరి తారక రామారావు అని కొనియాడారు. ఈ కార్యక్రమంలో నందనమరెళ్ళ గ్రామ టీడీపీ నాయకులు, కార్యకర్తలు, అభిమానులు తదితరులు పాల్గొన్నారు.