నంద్యాలలో మినీ చికెన్ మేళకు భారీ స్పందన

నంద్యాలలో మినీ చికెన్ మేళకు భారీ స్పందన.

నంద్యాల జిల్లా నంద్యాల బ్యూరో ఏపీ టుడే న్యూస్.

నంద్యాల జిల్లా లో చికెన్ అంటే ఇష్టపడని మాంసాహార ప్రియులు ఉండరు. ఆదివారం వచ్చిందంటే తమకు ఇష్టమైన చికెన్ ను తినడం కోసం ఎంతైనా ఖర్చు చేస్తుంటారు. ప్రస్తుతం బర్డ్ ప్లూ ప్రచారాలతో తగ్గిన చికెన్ అమ్మకాలను పెంచుకునేందుకు నంద్యాల తెలుగుదేశం పార్టీ కార్యాలయం (రాజ్ టాకీస్) నందు మినీ చికెన్ మేళ ను నిర్వహించడం జరిగింది. ఈ కార్యక్రమానికి ముఖ్య అతిథులుగా ఆంధ్రప్రదేశ్ రాష్ట్ర న్యాయశాఖ మరియు మైనార్టీ సంక్షేమ శాఖ మంత్రి ఎన్ఎండి ఫరూక్ , నంద్యాల టిడిపి జిల్లా ప్రధాన కార్యదర్శి ఎన్ఎండి ఫిరోజ్ హాజరయ్యారు . స్థానిక చికెన్ దుకాణాల యజమానుల ఆధ్వర్యంలో ప్రజలకు ఉచితంగా చికెన్, చికెన్ పకోడి, చికెన్ లాలీపాప్ , ఉడకబెట్టిన కోడిగుడ్లును అందజేశారు.

ఈ సందర్భంగా మంత్రి ఎన్ఎండి ఫరూక్ , జిల్లా కార్యదర్శి ఎన్ఎండి ఫిరోజ్ మాట్లాడుతూ చికెన్ మంచి పోషకాహారమని దీనిని తినడం సురక్షితమే అన్నారు. 70 డిగ్రీల సెంటిగ్రేడ్ కంటే ఎక్కువ వేడిలో చికెన్, గుడ్లు వండడం వలన ఒక వేళ బర్డ్ ఫ్లూ వైరస్ ఉన్నా చనిపోతుందన్నారు. ప్రజలలో ఉన్న అపోహలను తొలగించేందుకే ఈ కార్యక్రమం ఏర్పాటు చేసినట్లు తెలిపారు. ప్రజలు అపోహలు నమ్మవద్దని హ్యాపీగా చికెన్ తినొచ్చని తెలిపారు .
ఈ కార్యక్రమంలో నంద్యాల పట్టణ అధ్యక్షులు మునియార్ ఖలీల్ , డిసీ మెంబర్ చాబొలు ఇలియాస్ , నంద్యాల మండల టిడిపి ప్రధాన కార్యదర్శి మాండ్ల గుర్రప్ప , రైతునగరం హరిబాబు , చికెన్ షాపులో యజమానులు మరియు తెలుగుదేశం పార్టీ నాయకులు , కార్యకర్తలు , అభిమానులు , ప్రజలు పెద్ద సంఖ్యలో పాల్గొన్నారు.