జంబువారి పల్లి పంచాయతీలో డాక్టర్ బి.ఆర్ అంబేద్కర్ 135వ జయంతి వేడుకల

చిత్తూరు జిల్లా / బంగారుపాలెం ఏప్రిల్ 14.

చిత్తూరు జిల్లా బంగారుపాలెం మండలం జంబు వారి పల్లి దళిత వాడలో సోమవారం డాక్టర్ బి.ఆర్ అంబేద్కర్ 135వ జయంతి వేడుకలు ఘనంగా గ్రామస్తులు నిర్వహించారు. జై భీమ్ నినాదాలతో గ్రామస్తులు యువకులు కలిసి హోరెత్తించారు. అంబేద్కర్ విగ్రహానికి గజమాలవేసి పూల వర్షం కురిపించారు.మాజీ మార్కెట్ చైర్మన్ దత్తాత్రేయ రెడ్డి, ఆదర్శ రైతు జగదీశ్వర్ రెడ్డి మాట్లాడుతూ, డాక్టర్ బి.ఆర్ అంబేద్కర్ రాజ్యాంగాన్ని రాసిన విధంగా ప్రతి ఒక్క పేదవాడు ముందుకు రావాలని, యువత విద్యను బాగా అభ్యసించి మంచి ఉన్నత స్థాయికి ఎదగాలని అంబేద్కర్ అడుగుజాడల్లో నడవాలని కోరారు. తదుపరి గ్రామస్తులకు అన్నదాన కార్యక్రమం నిర్వహించారు. కార్యక్రమంలో జంబు వారి పల్లి బాబు రెడ్డి, ఆర్టీసీ బాబు, రవి,చిన్న, సోము , చిట్టిబాబు, చంద్రయ్య, తదితర గ్రామస్తులు మహిళలు చిన్నపిల్లలు అధిక సంఖ్యలో పాల్గొన్నారు.