హౌసింగ్ బోర్డ్ ఆంధ్రా ప్రగతి గ్రామీణ బ్యాంకులో అగ్నిప్రమాదం

ఆంధ్ర ప్రగతి గ్రామీణ బ్యాంకులో అగ్నిప్రమాదం

ప్రొద్దుటూరు మండలం గోపవరం పంచాయతీ పరిధిలోని హౌసింగ్ బోర్డ్ కాలనీ నందు ఆంధ్ర ప్రగతి గ్రామీణ బ్యాంక్ నందు శుక్రవారం సాయంత్రం బ్యాంక్ విధులు ముగిసి తాళం వేసిన తర్వాత దాదాపు 7 గంటల ప్రాంతంలో అగ్నిప్రమాదం చోటుచేసుకుంది. పొగలు వ్యాపించడంతో చుట్టుపక్కల వారు గమనించి అగ్నిమాపక కేంద్రానికి చరవాణి ద్వారా తెలిపారు. అగ్ని ప్రమాదం విషయం తెలుసుకున్న బ్యాంక్ సిబ్బంది బ్యాంకు వద్దకు చేరుకున్నారు. సంఘటనా స్థలానికి చేరుకున్న అగ్నిమాపక శాఖ మంటలను ఆర్పే ప్రయత్నం చేస్తున్నారు. పాక్షికంగా బ్యాంకులోని సామాగ్రి అగ్నికి ఆహుతి అయినట్లు తెలియవస్తోంది. ఇదిలా ఉండగా అగ్ని ప్రమాదానికి షార్ట్ సర్క్యూట్ కారణమా లేక ఇతర కారణాలు ఏవైనా ఉన్నాయా అని పలు అనుమానాలు రేకెత్తిస్తున్నాయి. అగ్ని ప్రమాదానికి గల కారణాలు తెలియ రావలసి ఉంది.