పారిశుద్ధ్య రెండో బృందం బెజవాడకు పయనం

ఏపీ టుడే న్యూస్ , కర్నూలు బ్యూరో

వరదమయంగా మారి ఇప్పుడిప్పుడే చేరుకుంటున్న బెజవాడ నగరంలో సహాయక చర్యల కోసం కర్నూలు నగరపాలక రెండోవ ప్రత్యేక బృందం గురువారం బయలుదేరింది. మరో 100 మంది కార్మికులు 20 మంది శానిటేషన్ సెక్రటరీలు బయలుదేరి వెళ్లారు. సిబ్బంది ప్రయాణించే బస్సును నగరపాలక సంస్థ కమిషనర్ పి.వి. రామలింగేశ్వర్, ఆరోగ్యధికారి విశ్వేశ్వర రెడ్డి జెండా ఊపి వారి ప్రయాణాన్ని ప్రారంభించారు. కాగా ఇప్పటికే 138 మంది సిబ్బందితో తొలి బృందం విజయవాడ వెళ్ళి, విధుల్లో నిమగ్నమైన సంగతి తెలిసిందే. కార్యక్రమంలో మేనేజర్ ఎన్.చిన్నరాముడు, శానిటేషన్ ఇంస్పెక్టర్లు రాజు, వలి, వెంకటేశ్వర్లు తదితరులు పాల్గొన్నారు.